Thursday, December 17, 2009

Disyembre

ni Ej Bagacina


Minumulto ng hangin ang mga dahon at sanga
sa labas ng bahay at ako sa loob ng kwarto
habang nag-aaral. Kung bakit ako napatingin
sa kisame kung saan mo makikita ang mga bituin
na istiker na halos sampung taon nang nakadikit,
hindi ko alam. Marahil tinatawag mo ako, kung bakit
naisipan kong dumungaw sa bintana. Tumingala ka-
yo, sabi sa balita, ika-10:30 ng gabi, makakakita
ng mga bulalakaw. Pagkalipas ng isang oras, sa wakas
sumuko ako at kumuha ng isang basong tubig
para sa nanunuyong lalamunan at mga gumamela
sa plorera. Nakatingala ka rin ba kanina?
-ang mga salitang nasa isip ko habang naglalakad
pabalik sa kuwarto. Naririnig ko ang sariling
sinasabi ito, at sinasabi ng sarili kong naririnig ko
ito. Nang itanong ko ito sa aking ama, walang imik
lamang siyang nanonood ng balita -magiging maulap
at maulan bukas kaya magdala ng payong ang payo ng
PAG-ASA. Hindi na ako umaasang totoo palagi
ang mga sinasabi sa balita. Nang nilapitan ako
ng alaga kong aso, lumuhod ako at ibinulong
sa kanya: Nakatingala ka rin ba kanina? Iwinagwag
niya lamang ang kanyang maliit na buntot. Pinatay ko
na ang ilaw. Matutulog na siguro ako.
Ipipikit na ang mga mata. Ngunit muli akong
bumangon sa higaan. Itatanong ko muna ito
sa 'yong larawan bago ako matulog.


kay Abi

Saturday, December 5, 2009

PAGKATAPOS NG BAHA

ni Mike Orlino


Binabanlawan ng isang deboto
ang nasagip na santong rebulto.

Mula sa umaagos na tubig sa alulod,
tila hinuhugasan niya ang karumihan

nitong nagsaputik. Binihisan
ng mga naisalbang damit ng anak.

Tila kinakausap niya ito at tinatanong.
Ngunit estatwa lamang itong nakatitig

sa kawalan. Hindi marinig
ang boses ng nawalan.

Thursday, November 12, 2009

Suwail

ni Ej Bagacina


wala

kang loob utang

na


loob

Monday, November 9, 2009

Ascension

ni JC Casimiro

Matapos

Dumampot ng bato si Pedro

Inilahad sa mga kasama at nagwika

Ako ang haligi

Walang umimik

Sunday, August 23, 2009

Heto ang Isang Tula

ni Rachel Valencerina Marra


tanggapin mo
at pitasin

na tila mga talulot
ang bawat taludtod.

At iyong malalaman
na hindi mo mag-isang lilipunin

ang mga nagkalat na salita.


Monday, August 3, 2009

BIG TIME

ni Ali Sangalang

Nakatambay ako noon sa Starbucks Katipunan—-hindi para magkape, kundi para pasimpleng magpatuyo ng kili kili matapos kumain ng ilang tuhog ng maaanghang na squid ball at kikiam mula sa karitong de-tulak na nakatimbre sa harapan ng kapihan.

Sa loob ng selyadong kwarto, kunyaring nagbabasa ako ng magasin habang naka de-kwatro. Maya’t maya naman ang pagbuga ng aircon sa damit at balat ko, na pinanuotan na ng hininga ng pinaghalong usok mula sa gaas at kalsada.

Tanaw ko noon ang papaikli’t paghaba ng pila sa counter habang maya’t maya rin ang paggaralgal ng blender sa aking tainga nang maramdaman ko ang paglipat ng tunog na ito patungo sa aking tiyan.

Mukhang hindi nagkasundo ang pira-pirasong pagkain na aking nilantakan na isa-isang nang nangangalabog at nagpupumilit kumawala sa lugar na kanilang pinagsisiksikan.

Hindi ko na hinayaang abutin pa ako nang panghihinayang kung kaya’t taas-noo na akong tumayo at naglakad patungo sa Men's CR.

OCCUPIED,” ang sabi ng pinto kung kaya’t naghintay na muna ako at nag-ayos ng kuwelyo sa tapat ng salamin sa labas.

Hindi naman nagtagal ay muli itong nangusap at dahan-dahang ibinulong ang “VACANT.”

Kung ano'ng lumanay nang sandaling iyon, ay ganoon naman ang gulat ng mga mata ko sa lumabas sa pintuan. Lulang-lula ang mga ito sa sumambulat sa harapan.

Si Asi Taulava—Oo, si ASI TAULAVA— ang taong-grabang six-foot-nine, 245-pound PBA at National Team player na binansagang "The Rock" ng mga komentarista dahil sa grabeng tibay ng bumbunan sa pakikipagbanggaan sa hardcourt, pakikipagbunuang-braso sa iba pang naglalakihang basketbolero. Si PAULIASI TAULAVA—ang idolo o inidolo ng mga batang tulad ko at ng iba pang mga manlalaro't manononood ng isport na ito.

Kung malaki na siya sa TV—triplehin mo pa ang kanyang laki. Big time talaga, p're.

Hindi agad-agad nawala ang laki ng pagkagulat na’to hanggang sa slow-mong pagpihit ng doorknob, pagpasok sa loob, pagsara ng lock, pagsandal sa pinto, at pagbuntong-hininga.

Pagbuntong-hininga.



Pagbuntong-HININGA.

Ano't sa pangatlo kong paglanghap ng hangin ay may bumalot na kung anong amoy sa nangalaking mga butas ng aking ilong. Bigla-biglang tinunaw ng maalingasaw na singaw ang katawan kong nanigas ng ilang saglit.

Tumungo ako sa inidoro, binuksan ito, at sumilip.

Wala na akong iba pang naisambit

kundi isang napakalaking—“SHIT.

Saturday, August 1, 2009

UMALIS KAMI SA ALAPAAP

ni EJ Bagacina


kipkip ka sa alaala
umalis kami

sa alapaap kipkip ka sa alaala

umalis kami

sa alapaap kipkip ka
sa alaala umalis ka-
mi sa alapaap kipkip ka

(sa) alaala umalis ka-
mi sa alapaap

kipkip ka sa alaala

Tuesday, July 28, 2009

Rengga

nina Miles Domingo at JC Casimiro

Habang binubuhol ko ang hangin,iniisip
ko kung nahihila ko ang mga bituin
papalapit sa akin. Sapagkat hindi

maaari, ang sabi ng pantas, mahiwaga
ang grabedad, mali ang paniniwalang
magtiwala sa mga pagbulusok at pagdating
ng mga kometa, isang trahedya.
Huwag mangangarap sa mga nalalagas: luha
ng kandila, natuklap na mukha
ng bulaklak, kalansay ng buhangin, abuhing
mga tala ... sa kanilang pagbagsak, huwag
sasama. Matapos ang atas ng pantas,

magpapalipad ako ng guryon.

Monday, July 20, 2009

Tulang Nagwawakas Sa Hindi Natapos Dahil Ginabi Na Naman Ako

ni EJ Bagacina

Noong minsang gabihin ako
at iyong masumbatan sa kuwarto
ako nagkulong
at pilit na tumula
tungkol sa patay-
sinding ilaw-
poste sa tapat ng bintana

ngunit aking napag-isip-
isip hindi pala ako makatula

maliban kung sakay ng jeep
sa gabi
palagi akong binabagabag
ng bilis
ng mga pangyayari

ang mga alaala nag-uunahan
naggigitgitan sa aking gunita
nagsasalpukan
ang mga ilaw
ng sasakyan
ang bituin at buwan
sa kalawakan
ng mga salita
sa tulang aking kinakatha
habang nakaupo sa isang sulok
nagmamasid sa paligid
nagtataka
kung meron ding nagmamakata
na katabi

ngunit gaya ng ilang sasakyang nasiraan
sa daan laging maiiwan
na nakatirik
ang mga linya
sa aking isip tila naghihintay
na maisapapel
pagdating sa bahay ito

ang pasalubong ko sa iyo
isang tula
hindi natapos
dahil ginabi na naman ako.

Monday, July 6, 2009

Rengga

nina Brandz Dollente at JC Casimiro

Tanging mga lihim ang nananaig sa sigwa,
na muli't muli kong isinisigaw pabalik ang ngalan
ng di-pinapangalanan sa dagat. Hinahabol ako
ng mga alon. O dapat ko bang sabihing, hanggang
ngayon
, hinihigop pa rin ng alon ang aking paningin.
Sabi ng pantas, may darating
na maaliwalas na langit sa bingit ng dilim: mata-
tawid ng tuwid ang tingin ang gabing puno ng galit
ng diyos. Susubukin ko ang sungit ng sugbu
kung sa isang buntong-hininga, kung sino
ang unang papayapa. Kung bakit itinatapon
ko ang sarili sa kalikasan. Kung bakit narito
ako ngayon sa bingit ng bagyo, kumakapit
sa matatag na turo: Hindi naliligaw
ang naligaw na.
Kung bakit ko naisip
ang pantas. Pinanghahawakan ko pa rin
ang mga di ko nais malaman. Pananalig
na nakabaon sa buhangin, aahon sa anyo
ng isang alimango. At hahango
tangan ang nagniningning na hiwaga
ng bukas-liwayway. Walang mamamatay.

Monday, June 15, 2009

Heto Ang Isang Tulang Nagwawakas sa Langit

ni Ej Bagacina


Gaano kalayo

Ang langit


Sa lupa? Naaalala

Mo ba? Noong mga bata tayo

Pilit kong tinanong sa iyo.

Ewan. Paliparin mo na lang

Itong saranggola
.
Alam mo,
Ginusto kong baybayin

Sa aking isip

Ang haba ng pisi

Na hawak ko ngunit napakalawak

Pala ng langit naisip ko:

Kapag namatay ako, doon
Ako pupunta.
Napatingala ka

At nakita mong nakasabit

Ang iyong saranggola

Doon sa kawad ng kuryente at ilaw

Poste. Binato mo ako noon

Ng sisi. Magmula noon

Ay hindi na tayo muling nag-usap

Tungkol sa langit, lupa, at mga ulap.


Huwag nating pag-usapan ang kamatayan.

Paborito kong linya ng isang tula.

Sabihin ko kaya ito sa 'yo mamaya?

Sanay na akong magsalita

Sa isip habang nakasakay

Sa bus. Patawad

Kung wala akong dalang bulaklak,

Wala naman talaga akong balak

Umuwi sa San Roque kung hindi ko pa

Nalaman ang balita.


Gaano kalayo

Ang langit


Sa lupa? Marahil tinatanong din

Ito ngayon ng iyong ina

Sa harap ng iyong labi.

Habang umiiyak siya

Ay may biglang dumapo sa aking labi

Na isang paruparo.

Mamaya, susundan ko ito.

Kahit na alam ko,

Hindi naman nito mararating

Ang langit.

Wednesday, June 10, 2009

Renga-Hunyo 7, 2009

nina JC Casimiro at Ali Sangalang

Pinapatid ng bulubundukin ang hangin
na bumabalong sa nakasabit na gulong--
ang araw.

Ano't makapal na makapal na pagkakatapal
ng mga dahon mula sa mga nabuwal
na puno ang pilit hinahagkan ang panipis
nang panipis na gulong-
gulo kong isip ...

May gulong din
ang palad: Sa panahon ng salanta, naaalala
ang mga pasikut-sikot na bulaos
ng paghahanap-
buhay habang patungo sa minahan.

Ngayon, nagugunitang tumingala at
magtanong
sa isang nagbibisikletang diyos.

Monday, June 8, 2009

oda sa mga hangganan

ni mike orlino

Linya lamang ang mamamagitan
sa atin. "Tingnan mo,hanggang

dito na lamang tayo." Linyang iginuhit
mo sa buhanginan. mga guhit

na nagtatakda sa ating
mga hangganan. Heto ang linya

ng aking mga tula. Tungkol
sa hangganan ng mga hangganan.

Wednesday, May 20, 2009

Hamog

ni Japhet


Kanina lamang nananalamin ang nanlalaking buwan,
lubog ang liwanag nito sa laway ng lawa.

Ngayon naman sa dalampasigan,
nagkakawayan ang mga kawayan sa kawayanan—
paroo’t-parito ang amihan.

Animo’y may bulung-bulungan.

Sa ilang sandali, sisikat ang araw.
Mahahamugan ang paligid.
Mababasa ang lahat.

Saturday, May 16, 2009

Renga - Mayo 15, 2009

nina JC Casimiro, Brandon Dollente, Japhet Calupitan, Rachel Marra at EJ bagacina

Habang tinitiklop ng kamatayan
ang isang dahon, umuungol ang
tangkay ng usal. Nagdarasal
sa saliw ng hangin. Buhay ang
agos ng tubig sa bukal. Nauuhaw
sa tenga ng dahon ang lupa.
Kung bakit tinatabunan
ng sanlaksang pagtiklop.
Walang nakaaalam
liban sa isang dahon
na tinangay ng hangin. Napadpad,
parang tinig ng huling awit,
pinag-iimbay ang tubig at hangin,
ang lupa at apoy
sa nanlalamig mong palad.

Thursday, May 14, 2009

Kung bakit ayaw nating pag-usapan ang pagkahulog

ni EJ Bagacina


Palalim nang palalim
ang walang hanggan

na dilim nang bigla kang magising
sa tunog ng nahulog

na porselana. Binabasag
ng iyong paghinga

ang katahimikan sa kalawakan.
Ang durog na buwan. Pinulot mo

ang nagsabog na bubog
sa iyong paanan. Dumaplis

sa iyong isipan: paano pa mabubuo
ang pira-pirasong puso?

Tuesday, May 12, 2009

Tang

ni Rachel Valencerina Marra

Isang puno ng mangga
ang aking palaruan
sa bakuran ni amang
sa Pangasinan.
Hinog na bunga
ang aking kabataan.
Minsan pumitas
ang hangin -
lumagapak.
Latak na kasama
sa huling patak
ng inuming handog
ng aking paslit na anak.

Sunday, April 5, 2009

Detour

ni Ej Bagacina

Mahigit-kumulang dalawang oras na biyahe galing sa eskuwela, isang sakay ng tren, maghahanap ng kakilala o mananahimik sa isang sulok, mga libro ng tulang pampalipas oras, bababa sa Santolan station, fishball, kalamares, kikiam- sige kain lang habang nag-aabang ng dyip sa ilalim ng footbridge, isang sakay ng dyip na patok, 21 pesos na pamasahe, 18 pesos 'pag estudyante, bayad ho, Simbahan, estudyante lang, madalas nakatingin sa malayo, mga ilaw-posteng walang ilaw, pipiliting magmakata, hampas ng hangin sa mukha, pull the string to stop, isang mahaba-habang lakaran hanggang sa terminal ng tricycle, amoy ng french fries ng mcdo, saglit na maaawa sa taong grasa sa tabi, magkukrus pagdaan ng simbahan, sampaguita at iba pang bulaklak, gulay, karne at ang malansang amoy ng isda sa palengke, mahabang pila sa terminal, isang sakay na naka-backride sa tricycle, namamagang buwan at mga napupunding bituin sa kalangitan, titigil sa itim na gate, nananabik na kahol ni bantay, hahanapin sa bag ang susi ng bahay, didiretso sa kuwarto, sa lamesa, magkapatung-patong na libro, may nakaipit pang litrato sa isa, maghuhubad ng amoy-usok na damit, bubuksan ang bintana, hihiga sa kama, ipipikit ang mga...


...


...tatlong taon na rin akong naglalakbay
sa lungsod. tatlong taon ng pagsasanay
umuwi. ngunit, kung kailan alam na
alam ko na ang daan, mahal,
isang araw, bigla mo akong iniligaw.

Saturday, February 28, 2009

Ang Imahen at ang Banidoso

ni Joseph Immanuel Casimiro

Kung handa kang tumalikod sa mundo
Upang masarili ang sarili

Sa salamin tumalikod ka-
Hapon ang isang binata sa mundo

Dahil sa pag-ibig nagpatihulog siya
Mula sa tulay ang tulay

Ngayon sa pagitan ng iyong mga mata
At mga mata ng iyong sariling sa iyo nakamata:

Huwag ka sanang mahuhulog

Monday, February 16, 2009

Mga Hindi Nasabi Pagsapit ng Alas Sais

Kristian Mamforte


Mula sa labas ng iyong bintana, tinatanaw kitang tila pagtanghod sa likhang-sining na ikinahon ng iyong bintana. Ngunit napakurap ako sa bahagyang pagkislot ng iyong katawan bago ko pa man kamanghaan ang larawan ng babaeng pinaliliguan ng liwanag sa pagkakaupo. Marahang umiikot ngayon ang sedang pumipigil sa pagnanasang makita mo ang papawirin, ang makulay na saranggola ng anak mong si Raphael na umahon sa malalim na katahimikang nakapaligid sa iyo ngayon. Nararamdaman mo ba sila? Sila, na pigil-hiningang nakapaligid sa iyo habang dahan-dahang iniikot ngayon ang sedang nakapiring sa iyo, upang makita kang makakita sa unang pagkakataon. Marahil, naaral mo ang tunog ng mga pigil na hininga tulad ng payapang pagduyan ngayon ng napigtal na dahon ng matandang puno sa labas ng iyong bintana bago lumatag sa lupa. Dahilan upang mapakislot ka. Huwag kang malikot ang tugon ng doktor at waring tahak ng iyong tingin ang napugtong pisi ng saranggola. Habang patuloy ang marahang pag-ikot ng sedang numinipis na pagitan namin sa iyo, kumakaluskos ang liwanag sa kanina pa tinataluntong lagusan sa sulok ng haraya: maaari, anumang sandali dahan-dahan kang tatayo sa kinauupuan. Tulad ng sanggol, gagapang ka’t pilit na tatawirin ang mga pagitan sa lahat ng maaaring makita: tubig, bulaklak, salamin. Sa bawat hakbang, mawawari mong napakalayo mo sa mga bagay. Magkakagalos ang iyong mga tuhod sa pagbibigay-ngalan sa dati’y naririnig mo lamang. Pagtunog ng alas sais, pauuwiin ka ng iyong asawa. Tiyak na magmamatigas ka at magugulat sa matatagpuang saranggolang nakabitin sa tuktok ng punong mangga kung saan mo nasilayan, sa unang pagkakataon, ang paghimlay ng namamaalam na liwanag. Bumalong muli sa iyo ang takot: nagtakip ng unan si Raphael sa tainga sa malakas mong palahaw sa una mong gabi. Hindi mo makita ang mukha ng kuliglig: ngayon maiintindihan kung bakit sinanay na pauwiin ang mga bata ng mga magulang kahit nag-uumapaw ang pananabik na hanapin ang nawawalang asuldilawpulalilang saranggola pagsapit ng alas sais.

Friday, February 13, 2009

isa na namang pagsakay sa tren

ni EJ Bagacina

Lakarin mula Santolan hanggang Cubao?
Tinawanan mo ako, sabay turo
sa itaas ng mga poste ng ilaw, sa sementado't bakal na daang humahati sa
mausok na kalangitan,
kaya nga merong tren. Ngunit alam mo, gusto ko lang
patagalin ang oras, kasingtagal ng panahong hindi tayo nagkita, higit na mas
matagal sa katahimikang babalot sa ating dalawa sa loob ng tren bago ko pa
sabihin ang salitang kumusta. Sa totoo lang, hindi sapat ang sampung
minuto sa dami ng nais kong sabihin at itanong sa iyo, kung may nagpatibok
na ba ulit ng iyong puso, kung hindi ka pa ba nagsasawa sa paglalakbay sa
lungsod, o kung hindi ka pa ba iniligaw nito. Sa totoo lang, bago pa matapos
ang tulang iniisip ko ay magbubukas na ang pinto ng tren, magpapaalam ka ng

hanggang dito na lang ako
, mabilis na makikisiksik sa mga nagmamadaling
tao. Maiiwan akong nakatingin sa bintana, darating ang kasalubong na tren
at unti-unti ka nitong buburahin.

Wednesday, February 11, 2009

TIMPALAK / CALL FOR SUBMISSIONS

THE 2009 MANINGNING MICLAT POETRY AWARD NOW ACCEPTING ENTRIES

RULES OF THE CONTEST

1. The contest is open to all poets of all nationalities, age 28 and below.

2. There are three divisions in the awards:a) Filipino b) English c) Chinese

3. An entry must consist of at least eight (8) but not more than fifteen (15) poems.

4. Authors may join all the divisions but can submit only one (1) entry in every division.

5. All entries should be original in every language and not a translation of another entry.

6. A work which has been awarded a prize in another contest is not qualified for the awards.

7. Published or unpublished works may be entered in the contest. If published, the date of publication should be within 2008-2009.

8. All entries should be submitted in four (4) copies, double spaced on 8 ½ x 11 inches bond paper with one inch margin on all sides and the page number typed consecutively, e.g., 1 of 10, 2 of 10, and so on.

9. Font should be ARIAL or TIMES NEW ROMAN, and the font size should be 12.

10. Entry should be submitted with pen name only and not real name. Real name and pen name should be submitted in a separate sealed envelope together with a biodata, copy of birth certificate and a notarized declaration of originality and authenticity of authorship of the entry.

11. Entries must be addressed to the Maningning Miclat Art Foundation, Inc. (MMAFI) , 2/F, Mile long Building, Amorsolo St., Legaspi Village, Makati City not later than April 15, 2009. Entries sent by mail or courier should be postmarked/invoiced not later than April 1, 2009.

12. Entries submitted via e-mail should be an RTF (Rich Text Format) or a Word Document file and should be sent as an attachment together with the author’s biodata and copy of birth certificate and notarized certification of originality or authenticity of authorship of entry. The original copy of the notarized certification should then be sent to MMAFI thru mail. Entries submitted via e-mail should be transmitted not later than April 15, 2009.

13. Submitted copies of winning entries shall remain with and become the property of MMAFI. Copyright of the works remains with the author but the latter grants, assigns and transfers into MMAFI the right without necessity of any payment other than the prize which may have been awarded to publish any winning entry or selection or portion thereof as it may at its discretion determine; to make the work available for downloading on the Internet or other electronic medium; and /or to allow students to make copies for research or in connection with their school requirements.

14. Plagiarism is anathema to the contest and MMAFI has the right of action against the author, if it may be later on discovered that said person is not the creator or owner of the copyright to the winning work. The Foundation shall not be liable to any court action if a third party files a case against the winner who plagiarized the work of the said third party.

15. There will only be one Grand Prize winner for each division and the prize is PhP 28,000.00 and a Julie Lluch sculpture trophy per winning entry.

16. The Board of Judges shall have the discretion not to award any prize if in its judgment no meritorious entry had been submitted.

17. MMAFI has the sole right to designate the persons who shall constitute the Board of Judges in each division of the contest. The decision of the majority of the Board of Judges in all divisions shall be final.

18. The names of the winners and the members of the Board of Judges shall be announced on September 12, 2009.

---

SUBMISSION GUIDELINES FOR LIKHAAN JOURNAL 3

1. For its third issue, Likhaan: the Journal of Contemporary Philippine Literature 3, will accept submissions in the following genres, in both English and Filipino:

• Short stories ranging from about 12 to 30 pages double-spaced, in 11-12 points Times Roman, New York, Palatino, Book Antique, Arial or some such standard font. (A suite of short prose pieces will be considered.)

• A suite of four to seven poems, out of which the editors might choose three to five. (Long poems will be considered in lieu of a suite.)

• Creative nonfiction (essays, memoirs, profiles, etc.), subject to the same length limitations as short stories (see above).

• Critical/scholarly essays, subject to the same length limitations as short stories (see above)

• Excerpts from graphic novels, or full short graphic stories, for reproduction in black and white on no more than 10 printed pages, 6” x 9.” (Excerpts should be accompanied by a synopsis of the full narrative.)

2. All submissions must be original, and previously unpublished.

3. All submissions must be accompanied by a biographical sketch (no more than one or two short paragraphs) of the author, including contact information (address, telephone number, e-mail address).

4. Submissions may be e-mailed to likhaanjournal@gmail.com, or posted to The Editors, Likhaan Journal, UP Institute of Creative Writing, Rizal Hall, University of the Philippines, Diliman, Quezon City, 1101.

5. All submissions should be received (whether by e-mail or post) no later than May 31, 2009.

6. All submissions will undergo a strict pre-screening and blind refereeing process by the editors, and a panel of referees composed of eminent writers and critics from within and outside the University of the Philippines .

7. Writers whose work will be accepted for publication will receive a substantial cash payment and a copy of the published journal.

8. The editors reserve the right to edit any and all materials accepted for publication.

9. The editors may also solicit or commission special, non-refereed articles for publication outside of the aforementioned genres and categories to enhance the editorial content and balance of the journal.

10. Please direct any and all inquiries to the editors at likhaanjournal@gmail.com.

Monday, February 9, 2009

Takipsilim (Salvaged)

ni Jc Casimiro

May pagtalikod lamang at muling pagharap ang bati ng isang araw balang araw magpapaalam ang araw sa lawa mananalamin hanggang sa mawala

Ang lawa sa pagkagat-dilim ay mga ladlad na pakpak ng paruparong itim sa mga unat na hita ng tinatanaw kong kalangitan nilalagom ng karimlan ang takipsilim ang panata ng kamatayan ay ang pagpikit

Ng mga labi ng mga labing mahimbing na naglalamay tulad ng nag-aalab

Na bituing aantabay hanggang sa walang-hanggang

Bukang-liwayway




Tala: Halaw sa tulang Laging Huli ang Tula ng Makata ni Sunico ang mga linyang hilis.


Wednesday, February 4, 2009

sa kaibigang matagal ko nang hindi nakikita

ni EJ Bagacina

Kung sawa ka nang maligaw sa lungsod, tumingala ka. Nangangalahating buwan,
patay-sinding ilaw-poste, umaandap-andap na neon, bituing bumubutas sa madilim

na kalangitan. Baka ituro ka nila doon,


papunta sa silid ng binata, na sa pangambang malimutan ang panaginip,
isinulat sa isang kuwaderno ang lahat ng maalala. Isang kuwento ang kanyang
binubuo,
tungkol sa isang tinig na naglalaho. Ngunit hindi niya ito matapos-tapos.

Tumingala ka, ang sabi sa isang billboard ng pananampalataya. Sa bituin nakaukit
ang
mga naglalahong panaginip. Pagmasdan mo kung paano ito lumilipad patungo
sa kalawakan. Hindi ka ba nagtataka kung bakit madalas tingalain ng mga
sawimpalad
ang mga tala? Ang lahat ay nawawala sa lungsod. Wala kang dapat sisihin

kundi ang bituin. Alam mo, hindi na matatapos ang kuwento ng binata.
Kung sawa ka nang maligaw sa lungsod, tumingala ka. Dahan-
dahang ipikit ang mga mata at iyong makikita.

Monday, February 2, 2009

Soli

ni Angelique Detaunan

Malaya mong ibinulong
Sa tainga ko noon,
"mahal na mahal kita."

Pilit kong ibinulong
Sa labi mo ngayon,
"mahal na mahal kita."

Ang mga halik,
Akin nang ibinabalik.

Thursday, January 22, 2009

Ambroxol

ni Rachel Valencerina Marra

Nanikit sa lababo
ang plemang may bahid ng dugo.

Gaano nga ba kalayo
ang baga sa puso?

Tuesday, January 20, 2009

PALIHAN

Saturday, January 17, 2009

PALIHAN

ILIGAN NATIONAL WRITERS WORKSHOP CALL FOR APPLICATIONS

The National Commission for Culture and Arts (NCCA), the Mindanao Creative Writers Group, Inc., and the Mindanao State University-Iligan Institute of Technology's Office of the Vice Chancellor for Research and Extension (OVCRE) are accepting applications from writers to the 16th Iligan National Writers Workshop (INWW) to be held on May 25-29, 2009 in Iligan City.

Sixteen (16) slots, five each from Luzon and Visayas and six from Mindanao are available for writing fellowships to the INWW. Of the slots for Mindanao , one (1) is for the Manuel T. Buenafe Writing Fellowship preferably for Muslim or Lumad applicants.

Applicants are required to submit five poems; or, one short story; or, for the novel, a summary and 2 chapters for this work-in-progress; and, a one-act play in Filipino, English or in Cebuano.

For entries in Hiligaynon, Kinaray-a, Waray and Chavacano, translations in English are required. Please submit along with the application form two, 2X2 photos. The application form may be downloaded at www.msuiit.edu.ph (go to Department of Research-MMIDU). Please submit a hard copy and a CD with the manuscripts encoded in MS Word97. Unpublished works are preferred. Applicants must have attended at least one regional/local writers workshop, no exceptions.

Writing fellows will be given free board and lodging and a travel allowance. Applications must be postmarked on or before February 15, 2009. No applications or manuscripts will be accepted if sent after postmarked dates or by fax or e-mail.

Applicants are also advised to keep copies of their manuscripts since these will not be returned. Send all applications to the 16th INWW Director, Christine F. Godinez-Ortega c/o OVCRE, MSU-IIT, Iligan City . For more information contact Pat Cruz or Alice Bartolome or Cherly Adlawan, tels. (063) 3516131; or e-mail: patcruz@yahoo.com/cherlyadlawan@yahoo.com/aliciabartolome@yahoo.com.

-----

UST 10TH NATIONAL WRITERS WORKSHOP CALL FOR APPLICATIONS

The office of the Writer-in-Residence of the University of Santo Tomas is now accepting manuscripts for the 10th National Writers Workshop to be held this May at UST.

The annual workshop is open to writers who have not been awarded fellowships to any national writers workshop.

An applicant should submit three printed copies (on short bond paper ) and a CD or diskette containing soft copies in MS Word format of his or her manuscript (at least five poems or two fiction or non-fiction pieces in English or Filipino). He or she should submit a resumé, a 2x2 ID photo, and a certification duly signed by an institution/company senior that the manuscript is authentic.

Fifteen fellowships are available, a percentage of which will be given to the Dominican Network of Schools, Colleges and Universities . Deadline is on March 15, 2009. Interested parties may call 406-1611 loc. 8281 (Tuesday to Saturday) or e-mail aldimalanta@gmail.com for more details. Manuscripts should be mailed to Dr. Ophelia A. Dimalanta, UST Writer-in-Residence, ground floor, St. Raymund's Building (Commerce Building), University of Santo Tomas, España, Manila .

Friday, January 16, 2009

Linya

ni Brandon Dollente

Paano ka mauubusan ng salita? Sabi mo sa akin habang pinapanood ko ang usok mula sa iyong bibig, binabaluktot ng hangin, pinipiga ng sarili nitong gaan, iyan na siguro ang kabiguan ng isang makata. Ngunit ang totoo, hindi ko mapigilang mahalin ang katahimikan ngayon. Pakinggan mo, palihim na tumitibok ang langit. Pakinggan mo, nagmamakata sa kaniyang isip ang katabi mo sa bus. Pakinggan mo, puwang na lamang ang nakalatag sa aking dibdib. Isa muling hitit at tila nauupos tayong talinghaga at wala sa ating may sala, wala akong mahanap na salita. Nakaskas lamang ang ating lalamunan sa paghinga ng malalim. Alam mo, kung ano mang linya tungkol sa mga hungkag na puso ang naisulat ko noon - paano ba ako magpapaliwanag? Kung ano mang linya, wala na akong maituloy. Nais ko na munang malungkot, sabi ng isang kaibigan, at hindi ko siya naintindihan, at hindi ko naintindihan kung bakit ako sumang-ayon, tumayo at kumuha ng isang basong tubig at biglang may mga paninikip na hindi kayang lunurin. Napatitingin ka na rin sa malayo, di muna kita gagambalain.

Wednesday, January 7, 2009

Unang Isyu ng Marahil

Sana napapagawi ka pa rito.

Dahil naka-apat na buwan na tayong nagtatapatan dito sa marahil, maglalabas na tayo ng ating unang isyu. At narito ang mga kailangan mong gawin:

1. Pumili ng labing-isang gawa dito na nagustuhan mo talaga (ang pamantayan ay ang taste mo).
2. Ipadala sa brandon.dollente@gmail.com ang iyong listahan. Lagyan ng 1-3 pangungusap ng dahilan ang iyong mga napili.
3. Maghanda ng 50 pesos para sa printing, copying, at binding. (maaaring humigit pa, depende)

Ilalabas ko ang listahan ng mga napili bago matapos ang buwan. Sa mga mapipili, iparerebisa natin ang mga iyon sa mga makatang nagsulat. At tapos, diretso na sa paggawa ng isyu.

Lahat ng kasapi ng bagwisan (iyong nakatala pa sa mga Heights Folio) ay mabibigyan ng isang kopya. Ang mga manunulat ng mga tulang mapipili ay mabibigyan ng dalawa (para ipagmalaki sa iba).

Simpleng-simple lang. Aantayin ko ang mga e-mail ninyo.